गडचिरोली सुपर फास्ट
न्युज वृत्तसेवा
ब्रम्हपुरी- टॉवरवर एक १४ वर्षीय तरुणी व एक २५वर्षीय तरुणाने गळफास घेऊन आत्महत्या केल्याची घटना काल रविवारी २ मार्चला ब्रम्हपुरी तालुक्याच्या उचली गाव परिसरात उघडकीस आल्याने परिसरात एकच खळबळ माजली आहे. गायत्री उर्फ सोनी अनिल गणवीर वय १४ वर्षे, रा. चांदली व रोहित रमेश लिंगायत वय २५ वर्षे, रा. उचली, ता. ब्रम्हपुरी असे गळफास घेऊन आत्महत्या केलेल्यांची नावे आहेत.
मिळालेल्या माहितीनुसार, गायत्री व रोहित तरुण व तरुणीचे बऱ्याच दिवसांपासून एकमेकांवर जीवापाड प्रेम होते. प्रेम संबंध असतांनाच रविवारी दिवशी
रोहितचे स्वगाव असलेल्या ब्रह्मपुरी तालुक्यातील उचली येथील टॉवरवर दोघेही गळफास घेतलेल्या अवस्थेत आढळून आल्याने शंका-कुशंकेला वाचा फुटली आहे. अशातच घटनास्थळावर दुचाकी आढळून आल्याने गळफास लावण्यासाठी त्यांनी दुचाकीचा आधार घेतला असावा, असा कयास बांधला जात आहे. त्यामुळे दोघांनीही प्रेम संबंधातून आत्महत्या केली की, कोणी मारून फासावर लटकवले? हे तपासण्याचे पोलिसासमोर आवाहन आहे. तरुण-तरुणी यांनी अल्पशा वयामध्ये गळफस घेऊन आपली जीवन यात्रा संपविल्याने परिसरात हळूहळू व्यक्त होत आहे.
Post a Comment