बाल मनावर वैज्ञानिक दृष्टिकोन रुजविण्यासाठी व संशोधक प्रवृत्ती वाढविण्यासाठी शालेय विज्ञान प्रदर्शन महत्त्वाचे ..मा. आमदार कृष्ण गजबे यांचे प्रतिपादन...

गडचिरोली सुपर फास्ट 

 न्युज वृत्तसेवा 

दिनांक:- १८ डिसेंबर २०२४

देसाईगंज :- विज्ञाने खुप क्रांती केली आहे. विज्ञानाच्या भरोशावर जगाने यशाचे अनेक शिखरे पादाक्रांत केले आहे. असे असतांनाही ग्रामीण भागासहीत शहरी वातावरणात देखील अंधश्रद्धेचा पगडा अजूनही काही प्रमाणात आहे. बालमन विकसित होण्यासाठी घरातील वातावरण फार महत्त्वाचे असते. यासाठी बालमनावर वैज्ञानिक दृष्टिकोन रुजविण्यासाठी व संशोधक प्रवृत्ती वाढीसाठी शालेय विज्ञान प्रदर्शनी महत्वाची असल्याचे प्रतिपादन मा. आमदार कृष्णा गजबे यांनी केले. ते उद्घाटक म्हणून बोलत होते.*

*देसाईगंज तालुक्यातील विसोरास्थित विनायक विद्यालय येथे तालुकास्तरीय विज्ञान प्रदर्शनीचे आयोजन दिनांक १८, १९ ते २० डिसेंबर पर्यंत करण्यात आले. या प्रदर्शनीचा उद्घाटणीय समारंभ दिनांक १८ रोजी पार पडला. अध्यक्षस्थानी तहसीलदार प्रिती डुडुलकर होत्या. प्रमुख वक्ते म्हणून अखिल भारतीय अंधश्रद्धा निर्मूलन समितीचे राज्य संघटक, सेवानिवृत्त प्राचार्य हरिभाऊ पाथोडे, प्रा.डाॅ.आशिष सेलोकर, विशेष अतिथी म्हणून डाॅ.अशोक गहाणे, वन्यजीव प्रेमी प्रविण कायरकर, पोलिस पाटील भामिला शहारे, गटविकास अधिकारी प्रणाली खोचरे, गटशिक्षणाधिकारी नरेंद्रकुमार कोकुडे, विनायक शिक्षण संस्थेचे सचिव भय्या नाकाडे, प्राचार्य बि.ए.ठाकरे, मुख्याध्यापक देवेंद्र नाकाडे, गटसमन्वयक एकनाथ पिलारे, केंद्रप्रमुख आनंद गुरनुले आदी मान्यवर मंचावर उपस्थित होते.*